نواز شریف اور زرداری کا نہ تو مستقبل ہے اور نہ ہی حال ہے، فواد چوہدری

فواد چوہدری نے کہا ہے کہ نواز شریف اور زرداری ماضی کا قصہ بن چکے ہیں، ان کا نہ تو مستقبل ہے اور نہ ہی حال ہے۔

وفاقی وزیر اطلاعات ونشریات فواد چوہدری نے وفاقی وزیر داخلہ کی کتاب کی تقریب رونمائی سے خطاب اور صحافیوں سے غیر رسمی گفتگو کرتے ہوئے کہا کہ شیخ رشید احمد ہماری سیاست کا روشن پہلو ہیں،انہوں نے ہمیشہ ملکی سیاست کا روشن پہلو اجاگر کیا۔

انہوں نے کہا کہ شیخ رشید احمد کی سیاسی خدمات پر انہیں خراج تحسین پیش کرتا ہوں، شیخ رشید احمد نے 1977ء میں پہلا الیکشن لڑا، اس وقت سے لے کر آج تک وہ ملکی سیاست کا محور رہے ہیں۔