وزیراعظم عمران خان کی حکومت مضبوطی سے کھڑی ہے، گورنر سندھ

گورنر سندھ نے کہا ہے کہ وزیراعظم عمران خان کی حکومت مضبوطی سے کھڑی ہے۔

گورنر سندھ عمران اسماعیل نےحاجی رزاق جانو میموریل ٹرسٹ کے تحت منعقدہ تقریب سے خطاب کرتے ہوئے کہا کہ فلاحی ادارے انسانیت کی خلوص نیت سے خدمت کررہے ہیں جس میں میمن برادری پیش پیش ہے۔

عمران اسماعیل نے کہا کہ وزیر اعظم فرنٹ فٹ پر کھیلتے ہیں، اپوزیشن کے نمبر پورے نہیں ہیں۔انہوں نے یہ بھی کہا کہ حاجی رزاق جانو میموریل ٹرسٹ کے زیر اہتمام متعدد آنکھوں کے علاج کے حوالے سے مفت کیمپس لگائے گئے ہیں جس کے ذریعے لاکھوں افراد کا علاج معالجہ ممکن بنایا گیا ہے۔

ان کا کہنا تھا کہ حاجی رزاق جانو میموریل ٹرسٹ اور دیگر این جی اوز جو فلاح و بہبود کے کاموں سے منسلک ہیں وہ تمام لائق تحسین ہیں۔

گورنر سندھ عمران اسماعیل کا مزید کہنا تھا کہ وزیراعظم عمران خان کی حکومت مضبوطی سے کھڑی ہے،پی ٹی آئی کی حکومت نہ صرف موجودہ مدت پوری کرے گی بلکہ آئندہ سال انتخابات میں بھی پی ٹی آئی کامیاب ہوگی۔