عید کے بعد کن افراد کی سمیں بلاک کر دی جائیں گی؟ بڑا اعلان ہوگیا

ایف بی آر نے ملک میں ٹیکس چوروں کی نشاندہی کر لی اور اس سلسلے میں عید کے بعد موبائل سمیں بلاک کرنے کا فیصلہ کرلیا ہے۔

فیڈرل بورڈ آف ریونیو (ایف بی آر) نے 20 لاکھ ٹیکس چوروں کی نشاندہی کر لی، تاہم موبائل کمپنیوں نے درخواست کی کہ وہ اتنی بڑی تعداد میں موبائل سمیں بلاک کرنے کی متحمل نہیں ہوسکتی ہیں، جس پر عید کے بعد پہلے مرحلے میں ایف بی آر نے ٹیکس چوروں کی 5 لاکھ سمیں بلاک کرنے کا فیصلہ کیا ہے۔

ذرائع ایف بی آر کا کہنا ہے کہ پاکستان ٹیلی کمیونی کیشن اتھارٹی کی مشاورت سے 14 لاکھ انڈر فائلرز کی شناخت کرلی گئی ہے۔ یہ ایسے افراد ہیں جنہوں نے قابل ٹیکس آمدن ہونے کے باوجود اپنے ریٹرنز فائل نہیں کیے۔

یاد رہے کہ فیڈرل بورڈ آف ریونیو نے ایسے افراد کو نوٹس بھی بھیجے تھے لیکن ان کی جانب سے پھر بھی ریٹرنز جمع نہیں کروائے گئے۔ ایک لاکھ نان فائلرز کی شناخت ایف بی آر کے براڈننگ ٹو ٹیکس سے کی گئی ہے اور ان کی سمز کو بھی بلاک کر دیا جائے گا۔