ایران کے صدر ڈاکٹر محمد ابراہیم رئیسی 22 اپریل کو اسلام اباد پہنچیں گے۔
ایرانی صدر ڈاکٹر ابراہیم رئیسی اپنے پہلے دورہ پر 22 اپریل کو اسلام آباد پہنچیں گے، شہباز حکومت کے برسر اقتدار آنے کے بعد ایرانی صدر پاکستان کا دورہ کرنے والے پہلے غیر ملکی سربراہ مملکت ہیں۔
پاک ایران کشیدگی اور ایران اسرائیل تنازع کے بعد ایرانی صدر کا یہ پہلا غیر ملکی دورہ ہے، ایرانی صدر ابراہیم رئیسی کے ساتھ اعلی سطح کا وفت بھی اسلام اباد پہنچے گا۔
سفارتی ذرائع کے مطابق ایرانی صدر کی سیکیورٹی ٹیم اسلام اباد پہنچ چکی ہے، ایرانی صدر کی سیکیورٹی ٹیم نے متعلقہ پاکستانی حکام سے ملاقاتیں کیں۔
سفارتی ذرائع نے بتایا کہ ایرانی صدر کے دورہ پاکستان میں طے پانے والے معاہدوں اور مفاہمت کی یادداشتوں کو پہلے ہی حتمی شکل دی جا چکی ہے۔
خیال رہے کہ ایرانی صدر اپنے پاکستانی ہم منصب آصف علی زرداری کی دعوت پر پاکستان کا دورہ کر رہے ہیں، ایرانی صدر کی اسلام اباد میں صدر آصف علی زرداری کے ساتھ باضابطہ ملاقات و مذاکرات بھی ہوں گے۔
صدر پاکستان آصف علی زرداری ایرانی ہم منصب ڈاکٹر محمد ابراہیم رئیسی کے اعزاز میں پرتکلف ضیافت کا بھی اہتمام کریں گے۔
علاوہ ازیں ایرانی صدر کی وزیراعظم شہباز شریف کے ساتھ بھی ملاقات ہوگی۔ ایرانی صدر کے دور پاکستان میں دونوں ممالک کے درمیان معاشی تجارتی تعاون کے مختلف سمجھوتوں پر دستخط ہوں گے۔
ایرانی صدر کے دورے میں پاک ایران گیس پائپ لائن اور ممکنہ آزاد تجارتی سمجھوتہ بھی اہم ترین نکات کے طور پر شامل ہیں۔
Notice: compact(): Undefined variable: limits in /home/thainewsi/public_html/wp-includes/class-wp-comment-query.php on line 860
Notice: compact(): Undefined variable: groupby in /home/thainewsi/public_html/wp-includes/class-wp-comment-query.php on line 860
Notice: Undefined variable: aria_req in /home/thainewsi/public_html/wp-content/themes/upaper/comments.php on line 73
Notice: Undefined variable: aria_req in /home/thainewsi/public_html/wp-content/themes/upaper/comments.php on line 79