چائے کے وقفے کے دوران چیف جسٹس آف پاکستان کی لاہور ہائی کورٹ آمد

لاہور: چیف جسٹس آف پاکستان جسٹس قاضی فائز عیسیٰ چائے کے وقفہ کے دوران لاہور ہائیکورٹ پہنچ گئے۔

چائے کے وقفے کے دوران چیف جسٹس آف پاکستان لاہور ہائی کورٹ آمد پہنچ گئے جب کہ سپریم کورٹ کے سینئر ترین جج سید منصور علی شاہ بھی ان کے ہمراہ تھے۔

علاوہ ازیں جسٹس یحییٰ آفریدی، جسٹس جمال خان مندوخیل اور جسٹس اطہر من اللہ بھی چیف جسٹس آف پاکستان کے ہمراہ تھے۔

چیف جسٹس لاہور ہائی کورٹ ملک شہزاد احمد خان نے چیف جسٹس آف پاکستان اور فاضل ججز کا استقبال کیا۔

اس موقع پر لاہور ہائی کورٹ کے سینئر ترین جج شجاعت علی خان بھی موجود تھے جب کہ جسٹس شاہد بلال حسن، جسٹس عالیہ نیلم اور جسٹس عابد عزیز شیخ سمیت دیگر فاضل جج صاحبان بھی موجود تھے۔