چیئرمین جوائنٹ چیفس آف اسٹاف کمیٹی سے ترک لینڈ فورسز کے کمانڈر نے ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق چیئرمین جوائنٹ چیفس آف اسٹاف کمیٹی سے ترک لینڈ فورسز کے کمانڈر نے ملاقات کی۔
ملاقات میں پاک ترک عسکری قیادت کا سلامتی اور اہم علاقائی امور پر غور کیا گیا۔
چیئرمین جوائنٹ چیفس آف اسٹاف کمیٹی جنرل ساحر شمشاد مرزا اور ترک لینڈ فورسز کے کمانڈر جنرل اوغلو نے دوطرفہ عسکری تعاون کو بڑھانے پر تبادلہ خیال کیا۔
ترک کمانڈر جنرل اوغلو نے پاک فوج کی پیشہ وارانہ مہارت اور دہشتگردی کے خلاف جنگ میں قربانیوں کو سراہا۔
آئی ایس پی آر کے مطابق تینوں مسلح افواج کے چاق وچوبند دستے نے ترک کمانڈر جنرل اوغلو کو گارڈ آف آنر پیش کیا۔
