صدر مملکت آصف علی زرداری میانوالی میں پاک فوج کے شہید میجر بابر خان کے گھر پہنچے۔
صدر آصف علی زرداری نے ژوب میں شہید ہونے والے پاک فوج کے میجر بابر خان کے اہل خانہ سے اظہار تعزیت کی اور شہید کیلئے فاتحہ خوانی کی۔
صدر مملکت نے شہید میجر بابر خان کو وطن کی خاطر جان کا نذرانہ پیش کرنے پر خراج عقیدت پیش کیا۔
صدر مملکت نے کہا کہ پوری قوم کو اپنے شہداء پر فخر ہے، قوم اُنہیں سلام پیش کرتی ہے۔
صدر مملکت آصف علی زرداری نے شہید کی وطن عزیز کیلئے خدمات ، فرض سے لگن اور جذبہ حب الوطنی کو سراہا۔
