محکمہ یوتھ افیئرز اینڈ سپورٹس ڈیپارٹمنٹ پنجاب کے زیراہتمام جشن آزادی تقریری مقابلے

طلبہ و طالبات نے ’’خود مختار نوجوان، خود مختار پاکستان، پاکستان کے معاشی مسائل اور نوجوانوں کا کردار‘‘ پر اظہار خیال کیا، صوبائی وزیر رائے تیمور خان بھٹی مہمان خصوصی تھے
ابرار ابوالحسن نے پہلی، زید الرحمن نے دوسری اور حمادنے تیسری پوزیشن حاصل کی،صوبائی وزیر کھیل وامور نوجوانان رائے تیمور خان بھٹی نے انعامات تقسیم کئے
نوجوانوں کو خودمختار بنانے کیلئے ای روز گار پروگرام شروع کیا ہے جس سے استفادہ کرکے نوجوان اچھا روزگار کما سکتے ہیں، صوبائی وزیر کھیل وامور نوجوانان رائے تیمور خان بھٹی
نوجوانوں کی تربیت کے لئے ای کامرس کے منصوبے کا باقاعدہ آغاز کیا جا رہا ہے، سیکرٹری یوتھ افیئرز اینڈ سپورٹس پنجاب فواد ہاشم ربانی
نوجوان ہمارا مستقبل ہیں اور ان کا مستقبل روشن بنانے کیلئے ہرممکن اقدامات کررہے ہیں،ڈائریکٹر جنرل سپورٹس پنجاب عدنان ارشد اولکھ
محکمہ یوتھ افیئرز اینڈ سپورٹس ڈیپارٹمنٹ پنجاب اور نجی شعبہ کی آرگنائزیشن نیبلرز کے درمیان مفاہمت کی یادداشت( ایم او یو) پر دستخط کئے گئے

لاہور 11 اگست2021ء۔ محکمہ یوتھ افیئرز اینڈ سپورٹس ڈیپارٹمنٹ پنجاب کے زیراہتمام نشتر پارک سپورٹس کمپلیکس کی ای لائبریری میں جشن آزادی تقریری مقابلوں کا انعقادکیا گیا، طلبہ و طالبات نے ’’خود مختار نوجوان، خود مختار پاکستان، پاکستان کے معاشی مسائل اور نوجوانوں کا کردار‘‘ پر اظہار خیال کیا، مقابلوں کے مہمان خصوصی صوبائی وزیر کھیل وامور نوجوانان رائے تیمور خان بھٹی تھے، تقریب میں سیکرٹری یوتھ افیئرز اینڈ سپورٹس پنجاب فواد ہاشم ربانی، ڈائریکٹر جنرل سپورٹس پنجاب عدنان ارشد اولکھ ، ڈی جی پی آئی ٹی بی ساجد لطیف اور سی ای او نیبلرز (ای کامرس) ثاقب اظہر، ایڈیشنل سیکرٹری سپورٹس ماریہ طارق، ڈائریکٹر ایڈمن جاوید چوہان ودیگر بھی شریک تھے، ای لائبریری ہال میں ہونے والے تقریری مقابلے میں ڈیڑھ سو سے زائد طلبہ وطالبات نے شرکت کی ، اس موقع پر محکمہ یوتھ افیئرز اینڈ سپورٹس ڈیپارٹمنٹ پنجاب اور نجی شعبہ کی آرگنائزیشن نیبلرز کے درمیان مفاہمت کی یادداشت ( ایم او یو) پر دستخط کئے گئے، سیکرٹری یوتھ افیئرز اینڈ سپورٹس پنجاب فواد ہاشم ربانی اور سی ای او نیبلرز ثاقب اظہر نے دستخط کئے۔ تقریب میں صوبائی وزیر کھیل وامور نوجوانان رائے تیمور خان بھٹی نے سیکرٹری یوتھ افیئرز اینڈ سپورٹس پنجاب فواد ہاشم ربانی ، ڈائریکٹر جنرل سپورٹس پنجاب عدنان ارشد اولکھ ،ڈی جی پی آئی ٹی بی ساجد لطیف اور سی ای او نیبلرز (ای کامرس) ثاقب اظہر،ایڈیشنل سیکرٹری سپورٹس ماریہ طارق کو سرٹیفکیٹس دیئے۔