سی ٹی او لاہور منتظرمہدی نے فیصل چوک مال روڈ پر حادثات سے بچاومہم کا آغاز کر دیا گیا

سٹی ٹریفک پولیس جشن آذادی کے موقعہ پر حادثات سے بچاؤ اور شہریوں کو آگاہی کیلئے پیش پیش نظر آرہی ہے، اس حوالے سے ٹریفک پولیس نے روزانہ کی بنیاد پر شہریوں کو آگاہی فراہم کرنا شروع کر دی یے، گذشتہ روز سی ٹی او لاہور منتظرمہدی نے فیصل چوک مال روڈ پر حادثات سے بچاومہم کا آغاز کر دیا گیا ۔ منتظر مہدی نے فیصل چوک مال روڈ پر شہریوں میں ہیملٹس، جشن آذادی کی خوشی میں شہریوں میں پاکستانی جھنڈے اور ماسک تقسیم کئے گئے۔ میڈیا نمائندوں سے بات کرتے ہوئے ان کا کہنا تھا کہ جشن آذادی پر ون ویلرز، ہلڑ بازی اور کرتب دیکھانے والوں کو آڑے ہاتھوں لیا جائے گا۔ ضلعی پولیس، ڈولفن اور ٹریفک پولیس کے مشترکہ دستے بھی تعینات ہونگے اور اینٹی ون ویلنگ اسکواڈز بھی تشکیل دیا جائے گا، شہر کی مصروف اور اہم شاہراہوں مال روڈ، جیل روڈ،فیروزپور روڈ، مین بلیوارڈ گلبرگ، ایم ایم عالم روڈ، علامہ اقبال روڈ، جی ٹی روڈ، کینال روڈ اور مولانا شوکت علی روڈ سمیت دیگر شاہراہوں پر ٹیمیں تعینات کیں جائیں گیں، فیملیز کو تنگ کرنے والوں اور روڈ بلاک کرتے ہوئے ہلڑ بازی والے کسی رعائت کے مستحق نہیں ہونگے، سیف سٹی کیمروں کی مدد سے ایسے شرپسند عناصر کی نشاندہی کرتے ہوئے کارروائی عمل میں لائی جائے گی، ان کا مزید کہنا تھا کہ جشن آذادی کو حادثات فری بنائیں گے۔حادثات کی روک تھام کیلئے ہر فورم استعمال کیا جارہا ہے۔