نوابشاھ پولیس کا ڈاکوؤں سے مقابلہ .ایک ڈاکو زخمی حالت میں گرفتار دیگر ساتھی فرار

نوابشاھ (رپورٹ طحہ۔بلال )قومی شاہراہ پر دولت پور کے نزدیک رات گئے مسلح افراد مشکوک حالت میں گھات لگائے بیٹھے تھے جسکی اطلاع پولیس کو دی گئی اطلاع ملنے پر دولت پور تھانے کی گشت پر مامور پولیس موقع پر پہنچی تو ڈاکوؤں نے پولیس پر فائرنگ کردی جسکی اطلاع پر دیگر تھانوں کی پولیس بھی موقع واردات پر پہنچ گئی ڈاکوؤں کا گھیراؤ کیا گیا اس دوران دوطرفہ فائرنگ کے نتیجے میں ایک ڈاکو کو زخمی حالت میں اسلحہ سمیت گرفتار کر لیا گیا جبکہ دیگر ساتھی اندھیرے کا فائدہ اٹھاتے ہوئے فرار ہونے میں کامیاب ہوگئے زخمی ڈاکو کو طبی امداد کیلئے ہسپتال منتقل کیا گیا گرفتار ڈاکو کی شناخت محمد عرس ولد محمد جمن خشک کے نام سے ہوئی ہے جو کہ تھانہ دوڑ۔تھانہ اے سیکشن۔تھانہ تعلقہ۔تھانہ سکرنڈ سمیت دیگر تھانوں کی پولیس کو سنگین مقدمات میں مطلوب تھا ڈاکوؤں کا یہ گروہ دیگر وارداتوں کے ساتھ قومی شاہراھ پر مسافر گاڑیوں میں لوٹ مار اور مال بردار گاڑیوں سے قیمتی سامان چوری کیا کرتے تھے پولیس ترجمان انسپکٹر یاسین سولنگی کے مطابق زیر حراست ڈاکو سے تفتیش کی جارہی ہے جبکہ مزید اسکا کرمنل ریکارڈ چیک کیا جا رہا ہے تاہم دیگر فرار ہوجانے والے ڈاکوؤں کی گرفتاری کیلئے چھاپے مارے جا رہے ہیں_