صوبائی وزیر سوشل ویلفیئر محمد ساجد جوکھیو کا بلوچستان میں زلزلے کے باعث ہونے والے جانی و مالی نقصان پر افسوس کا اظہار

صوبائی وزیر سوشل ویلفیئر محمد ساجد جوکھیو نے بلوچستان میں زلزلے کے باعث ہونے والے جانی و مالی نقصان پر افسوس کا اظہار کرتے ہوئے کہا ہے کہ بلوچستان میں زلزلے کے باعث انسانی جانیں ضایع ہونے پر دلی صدمہ پہنچا ہے، اس دکھ کی گھڑی میں پیپلز پارٹی متاثرین کے ساتھ ہے اور ان کی ہر ممکن مدد کی جائے گی، انہوں نے کہاکہ اللہ پاک حادثے کا شکار ہونے والوں کو اعلیٰ درجات عطا فرمائے اور زخمی جلد صحتیاب ہوں، سندھ کی عوام بلوچستان کے بھائیوں کے ساتھ ہے، ہم بلوچستان کی حکومت سے درخواست کرتے ہیں کہ متاثرین کو ریسکیو کی بہترین سہولیات فراہم کرے۔

کراچی : صوبائی وزیر سوشل ویلفیئر محمد ساجد جوکھیو نے سابقہ ایم پی اے مرحوم حاجی شفیع جاموٹ کی زوجہ اور ایم پی اے محمود عالم جاموٹ کی ساس کی وفات پر ابراہیم حیدری پہنچ کر لواحقین سے تعزیت کی، اس موقع پر ایڈمنسٹریٹر ضلع کائونسل نور حسن جوکھیو، انفارمیشن سیکریٹری میر عباس ٹالپر، چیرمین مارکیٹ کمیٹی کراچی حاجی علی احمد جوکھیو، ادریس جوکھیو اور دیگر بھی موجود تھے، اس موقع پر صوبائی وزیر سوشل ویلفیئر محمد ساجد جوکھیو نے کہاکہ جاموٹ خاندان کے اس دکھ کی گھڑی میں برابر کے شریک ہیں، اللہ تعالیٰ مرحومہ کو جنت الفردوس میں اعلیٰ مقام عطاء کرے