متحدہ میلاد کونسل کا اجلاس ،جلوسوں کے انتظامات کو حتمی شکل دی گئی

ملتان ( سٹاف رپورٹر)متحدہ میلاد کونسل کا اجلاس زیرصدارت صدر زاہد بلال قریشی منعقد ہوا جس میں اتحاد میں شامل تنظیمات کی طرف سے یکم ربیع الاول سے 12ربیع الاول تک نکالے جانے والے 31جلوسوں کے انتظامات کو حتمی شکل دی گئی اتحاد کے جنرل سیکرٹری ڈاکٹر اشرف علی قریشی ایڈووکیٹ نے اجلاس کو بتایا کہ اس سال اتحاد میں شامل 31 جماعتوں کے زیراہتمام 31 جلوس عیدمیلادالنبیﷺ نکالے جائیں گے جن میں یکم ربیع الاول سے 11ربیع الاول تک 13جلوس اور 12ربیع الاول کے دن 18 جلوس ہونگے جن میں ملتان شہر کے مرکزی جلوس بھی شامل ہیں اتحاد کی طرف سے ایک مرتبہ پھر انتظامیہ سے مطالبہ کیا گیا کہ جن روڈز کو سیور لائین ڈالنے کے لئے کھدائی کی گئی ہے اس میں نواب پور روڈ اور سورج کنڈ روڈ و اس سے ملحقہ گلیاں شامل ہیں انکو فوری طور پر جلوس گزرنے کے قابل بنایا جائے صفائی، سٹریٹ لائیٹس، سیکورٹی، ٹریفک اور دیگر انتظامات بہترین کئے جائیں اجلاس میں 31 جلوسوں کا پروگرام کی منظوری کے بعد تمام تفصیلات میڈیا کے لئے جاری کر دی گئی اجلاس میں چیئرمین ڈاکٹر عمران مصطفی کھوکھر، سینئر نائب صدر حاجی اقبال عادل، پیر عزیزالرحمن خان قادری، علامہ حامدالرحمن حامدی سلطانی، اقبال یوسف نقشبندی، خواجہ ندیم مدنی صدیقی، حافظ معین خالد، ڈاکٹر طیب ملک، سید فاروق حسین شاہ، شیخ اظہر حسین، ملک عامر علی وینس، قاری اعجاز عطاری، خلیفہ عبدالقیوم قریشی، قاری محمد سرور، صاحبزادہ ریاض نظامی، ملک محمد اشرف، محمد صدیق قریشی، حافظ شرافت مرزا، قاری محمد امین، محمد وسیم خان، رانا جنگ شیر، محمد مکی قریشی، شرافت علی، نوید حسین جراح، فہیم گلوانہ، عامر اقبال، جوادبلال، قمر لاشاری، محمد اشفاق سلطانی، مشہور بلال اور دیگر شریک تھے