لاہور کے فینز کے سامنے کھیلنے کا اپنا مزہ ہے،سی ای او لاہور قلندرز

پاکستان سپر لیگ(پی ایس ایل) کی فرنچائز لاہور قلندرز کے سی ای او عاطف رانا نے کہا کہ لاہور کے فینز کے سامنے کھیلنے کا اپنا مزہ ہے۔

تفصیلات کے مطابق سی ای او لاہور قلندرز نے اپنےایک بیان میں کہا کہ کوویڈ کی موجودہ صورتحال میں امید ہے کہ پی ایس ایل کے میچز لاہور میں بھی ہوں گے۔

عاطف رانا نے کہا کہ ہماری ٹیم اس مرتبہ اچھا کھیل پیش کرے گی ، شاہین آفریدی کی قیادت میں ٹیم اچھا کھیلے گی ،شاہین آفریدی کی صورت میں نوجوان ٹیلنٹ کی قدر کی ہےان کا کہنا تھا کہ لاہور ٹیم کی پرفارمنس کی وجہ سے لیگ کو فائدہ ہو رہاہے، لیگ کو فائدہ قومی کرکٹرز کی پرفارمنس کی وجہ سے ہوا ہے۔

سی ای او لاہور قلندرز کا کہنا تھا کہ لاہور قلندرز منافع میں رہی ہے بہت کھلاڑی ٹیم کو دئیے ہیں ۔

سی ای او لاہور قلندرز عاطف رانا نے مزید کہا کہ چیئر مین پی سی بی رمیز راجہ کی وجہ سے معاملات بہت بہتر ہو رہے ہیں۔