ٹھٹھہ پریس کلب کے صحافیوں نے جمہوریت کی بحالی کے لیے بھرپور کردار ادا کیا، سعید غنی

وزیر اطلاعات و محنت سندھ سعید غنی نے کہا ہے کہ ٹھٹھہ پریس کلب کی ایک تاریخ ہے، یہاں کے صحافیوں نے جمہوریت کی بحالی کے لیے بھرپور کردار ادا کیا ہے۔

ٹھٹھہ پریس کلب کے وفد نے سعید غنی سے ملاقات کی جس میں ٹھٹھہ کے صحافیوں کو درپیش مشکلات اور ٹھٹہ پریس کلب میں قائم ڈیجیٹل لائبریری کے قیام پر اس کے افتتاح سمیت دیگر امور پر تبادلہ خیال کیا گیا۔

سعید غنی کا اس موقعے پر کہنا تھا کہ پیپلز پارٹی واحد اس ملک کی سیاسی جماعت ہے جس نے ہمیشہ صحافیوں کی فلاح و بہبود اور ان کو سہولیات کی زیادہ سے زیادہ فراہمی کے لیے اقدامات کیے ہیں۔ان کا کہنا تھا کہ میں جلد ہی ٹھٹھہ پریس کلب کا دورہ کروں گا۔

اس موقع پر وزیر اعلیٰ سندھ کے معاون خصوصی صادق علی میمن، پیپلز پارٹی کراچی ڈویژن کے نائب صدر مرزا مقبول، صدر پریس کلب ٹھٹھہ اقبال احمد جاکھرو، جنرل سيکریٹری عبدالوہاب شیخ، ڈاکٹر شاہد صدیقی، سراج احمد، رحمت اللّٰه چھٹو اور رشید جاکھرو شامل تھے