محکمہ یوتھ افیئرز اینڈ سپورٹس پنجاب کے زیراہتمام جشن آزادی مقابلہ مصوری رجب محمود نے پہلی، مومنہ نے دوسری اور علی حیدر نے تیسری پوزیشن حاصل کی

رجب علی کو 25ہزار، مومنہ کو 20ہزار اور علی حیدر کو 15ہزار روپے انعام دیا گیا،10سال سے کم عمر کے 4 بچوں اور سپیشل طالبہ مہدیہ کو 5،5 ہزار روپے دیئے گئے
نوجوانوں کی صلاحیتوںنے بہت متاثر کیا ہے، محکمہ یوتھ افیئرز اینڈ سپورٹس پنجاب نیا ٹیلنٹ سامنے لانے کیلئے بہترین کام کررہا ہے،کوہ پیمار شہروز کاشف
انٹرنیشنل یوتھ ڈے کے موقع پر سپورٹس کے موضوع پر بچوں نے خوبصورت مصوری کا مظاہرہ کیا ہے،سیکرٹری یوتھ افیئرز اینڈ سپورٹس پنجاب فواد ہاشم ربانی
طلبہ وطالبات نے شاندار کام کیا ہے، ججز نے بچوں کے کام کو بہت سراہاہے،ڈائریکٹر جنرل سپورٹس پنجاب عدنان ارشد اولکھ کا تقریب تقسیم انعامات سے خطاب

لاہور 12اگست2021ء۔ محکمہ یوتھ افیئرز اینڈ سپورٹس پنجاب کے زیراہتمام جشن آزادی مقابلہ مصوری کا انعقاد کیا گیا، جمعرات کے روز نشتر پارک سپورٹس کمپلیکس کے جمنازیم ہال میں ہونیوالے مقابلہ مصوری میں سکولز اور کالجز کے طلبہ وطالبات کی کثیر تعداد نے حصہ لیا، تقریب میں دنیا کے کم عمر کوہ پیما شہروز کاشف بھی شریک تھے، مقابلے کے مہمانان خصوصی سیکرٹری یوتھ افیئرز اینڈ سپورٹس پنجاب فواد ہاشم ربانی، ڈائریکٹر جنرل سپورٹس پنجاب عدنان ارشد اولکھ مہمان خصوصی تھے، ایڈیشنل سیکرٹری سپورٹس ماریہ طارق، ڈائریکٹر ایڈمن جاوید چوہان، ڈائریکٹرسپورٹس محمد حفیظ بھٹی، ڈپٹی ڈائریکٹر چاند پروین، ایڈمنسٹریٹر جمنازیم ہال مصطفی شاہ بھی تقریب میں شریک تھے، مقابلہ مصوری کے ججز شعبہ مصوری کے حوالے سے معروف شخصیات ذوالفقار علی زلفی، غلام مصطفی اور امجد نعیم تھے، ججز کے نتائج کے مطابق رجب محمود نے پہلی، مومنہ نے دوسری اور علی حیدر نے تیسری پوزیشن حاصل کی،رجب علی کو 25ہزار روپے، مومنہ کو 20ہزار روپے اور علی حیدر کو 15ہزار روپے کیش انعامات دیئے گئے،10سال سے کم عمر کے 4 بچوں اور سپیشل طالبہ مہدیہ کو 5،5 ہزار روپے کے خصوصی انعامات دیئے گئے، محکمہ یوتھ افیئرز اینڈ سپورٹس پنجاب کے یوتھ ایمبیسیڈر شہروز کاشف نے بھی مقابلے دیکھے، ان کاکہنا تھا کہ محکمہ یوتھ افیئرز اینڈ سپورٹس پنجاب کے مقابلہ مصوری سے نوجوان آرٹسٹ سامنے آئیں گے، نوجوانوں کی صلاحیتوں اور کام نے بہت متاثر کیا ہے، محکمہ یوتھ افیئرز اینڈ سپورٹس پنجاب نیا ٹیلنٹ سامنے لانے کے لئے بہترین کام کررہا ہے۔
سیکرٹری یوتھ افیئرز اینڈ سپورٹس پنجاب فواد ہاشم ربانی، ڈائریکٹر جنرل سپورٹس پنجاب عدنان ارشد اولکھ نے کامیاب طلبہ وطالبات کو کیش انعامات اور سرٹیفکیٹس دیئے، تقریب سے خطاب کرتے ہوئے سیکرٹری یوتھ افیئرز اینڈ سپورٹس پنجاب فواد ہاشم ربانی نے کہا ہے کہ انٹرنیشنل یوتھ ڈے کے موقع پر سپورٹس کے موضوع پر بچوں نے خوبصورت مصوری کا مظاہرہ کیا ہے، جشن آزادی پر مصوری کے مقابلے کا مقصد بچوں میں جذبہ حب الوطنی پیدا کرنا ہے، نوجوانوں کو ہر طرح کے مواقع فراہم کررہے ہیں،یہ اسی سلسلہ کی کڑی ہے،