ملک کے نوجوان ایٹم بم سے بڑی قوت ہیں،سراج الحق

میر جماعت اسلامی سراج الحق نے کہا ہے کہ ملک کے نوجوان ایٹم بم سے بڑی قوت ہیں۔

تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ تینوں بڑی سیاسی جماعتیں انتخابی اصلاحات کے نام پر سیاست سیاست کھیل رہی ہیں۔

سراج الحق نے کہا کہ لولی لنگڑی جمہوریت اور الیکشن کے نام پر سلیکشن ان کے لیے زیادہ فائدہ مند ہے۔ وزیر اعظم عمران خان نے پوری قوم کو دایاں دکھا کر بایاں دے مارا ہے۔

امیر جماعت اسلامی کا کہنا تھا کہ اسلام خواتین ، اقلیتوں کے حقوق کی مکمل ضمانت دیتا ہے۔ ہم اقلیتوں کی مکمل مذہبی آزادی پر یقین رکھتے ہیں۔

سراج الحق کا یہ بھی کہنا تھا کہ ملک کے نوجوان کرپٹ سسٹم کے خلاف بھرپور جمہوری اور پرامن جدوجہد کا آغاز کریں۔

امیر جماعت اسلامی سراج الحق کا مزید کہنا تھا کہ ملک کے نوجوان ایٹم بم سے بڑی قوت ہیں، نوجوانوں کو ملک کی کشتی گرداب سے نکالنے کے لیے جدوجہد کا آغاز کرنا ہوگا۔