ایرانی بندرگاہوں اور ساحلی علاقوں کی ناکہ بندی جاری ہے، امریکی سینٹ کام

واشنگٹن (18 اپریل 2026): امریکی سینٹر کمانڈ (سینٹ کام) کا کہنا ہے کہ آبنائے ہرمز میں ایرانی بندرگاہوں اور ساحلی علاقوں کی ناکہ بندی جاری ہے۔

سینٹ کام نے سوشل میڈیا پلیٹ فارم ایکس پر جاری بیان میں کہا کہ امریکی ناکہ بندی کے دوران ساحلی جنگی جہاز USS Canberra (LCS 30) بحیرہ عرب میں گشت کر رہا ہے۔

بیان میں بتایا گیا کہ ناکہ بندی کے آغاز سے اب تک 23 بحری جہازوں نے امریکی افواج کی ہدایات پر عمل کرتے ہوئے واپسی کا راستہ اختیار کیا ہے، امریکی افواج ایرانی بندرگاہوں اور ساحلی علاقوں میں داخل ہونے یا وہاں سے نکلنے والے جہازوں کے خلاف بحری ناکہ بندی کو نافذ کر رہی ہیں۔