آصفہ بھٹو اور دیگر کی ڈاکٹر قدیر کے گھر جاکر اہل خانہ سے تعزیت

اسلام آباد ( نمائندہ جنگ)سابق صدر آصف علی زرداری کی صاحبزادی آصفہ بھٹو نے جمعرات کو ممتاز ایٹمی سائنسدان ڈاکٹر اے کیو خان کی رہائش گاہ کا دورہ کیا اور ڈاکٹر قدیرخان کے انتقال پر مرحوم کی صاحبزادیوں سے اظہار تعزیت کیا۔ آصفہ بھٹو نے کہا کہ ڈاکٹر اے کیوخان نے میرے نانا ذوالفقار علی بھٹو کے ساتھ مل کر پاکستان کو ناقابل تسخیر بنایا ۔ ان کا انتقال قومی سانحہ ہے ۔ سینیٹر سلیم مانڈوی والا بھی ان کے ہمراہ تھے ،وزیر اعلیٰ بلوچستان جام کمال نے بھی ڈاکٹر اے کیوخان کے اہل خانہ سے ملاقات کی اور اظہار تعزیت کیا۔