شب معراج ۔۔۔ مساجد گھروں میں چراغاں، محافل و عبادات کا اہتمام

ملک بھر میں آج رحمتوں اور برکتوں والی رات شبِ معراج عقیدت و احترام کے ساتھ منائی جارہی ہے۔

شب معراج کے سلسلہ میں مساجد اور گھروں میں خصوصی عبادات کا اہتمام کیا جارہا ہے، محافل اور دعائیہ تقاریب کا بھی انعقاد کیا گیا ہے۔

علمائے کرام آقائے دو جہاں صلی اللہ علیہ وسلم کی شان اور واقعہ معراج پر روشنی ڈال رہے ہیں۔موقع کی مناسبت سے مساجد کو برقی قمقموں سے سجایا گیا ہے، وہیں گھروں پر بھی خاص اہتمام کیا گیا ہے۔

شب معراج کے سلسلے میں سندھ بھر کے تعلیمی اداروں میں عام تعطیل کا اعلان کیا گیا ہے۔

قصور میں بھی شب معراج کی مناسبت سے خصوصی تقریب کا انعقاد کیا گیا ہے، حضرت بابا بلھے شاہ مسجد نور کو اس خوبصورت انداز میں سجایا گیا ہے۔