خیبرپختون خوا میں بلدیاتی انتخابات کے دوسرا مرحلے میں کوڈ آف کنڈکٹ کی خلاف ورزی پر الیکشن کمیشن نے ایکشن لیتے ہوئے وزیراعظم اور وزیراعلیٰ کے پی سمیت دیگر وزراء پر 50 ہزار روپے جرمانہ عائد کردیا۔
الیکشن کمیشن نے کوڈ آف کنڈکٹ کی خلاف ورزی پر وزیراعظم عمران خان پر 50 ہزار روپے جرمانہ کردیا، وزیراعظم نے 11 مارچ کو لوئر دیر میں جلسے سے خطاب کیا تھا۔
الیکشن کمیشن نے وزیر اعلیٰ خیبرپختون خوا محمود خان پر بھی 50 ہزار روپے جرمانہ کردیا، وفاقی وزراء شاہ محمود قریشی، اسد عمر پر بھی 50 ہزار روپے جرمانہ عائد کیا گیا۔
