روس نے یوکرین پر جنگ مسلط کرنے کے بعد اب امریکی ڈالر کے خلاف بھی اعلان جنگ کر دیا ہے۔
روس کے صدر ولادیمیر پیوٹن نے کہا ہے کہ اب، امریکہ اور یورپی یونین کے لئے مال کی رسد میں ادائیگیوں کی ڈالر یا یورو کی صورت میں وصولی بے معنی ہو گئی ہے۔
پیوٹن نے کہا کہ ہم غیر دوستانہ ممالک کے ہاتھ قدرتی گیس کی فروخت روسی کرنسی روبل میں کرنے کا سوچ رہے ہیں۔
پیوٹن نے دارالحکومت ماسکو میں حکومتی حکام کے اجلاس سے خطاب میں پابندیوں سے متاثرہ روسی اقتصادیات کا جائزہ لیا ہے۔
انہوں نے کہا ہے کہ مغربی ممالک نے روس کے اثاثے منجمد کر کے غیر قانونی اقدامات کئے ہیں۔ اصل میں مغرب نے اپنی کرنسی کے اعتبار کو مجروح کیا ہے۔ اب ہر کوئی جانتا ہے کہ ڈالر یا یورو کرنسی کے ساتھ ذمہ داریوں کو پورا نہیں کیا جا سکے گا۔
پیوٹین نے کہا ہے کہ یہ پہلو واضح ہے کہ برآمدات سے، ڈالر یا پھر یورو کی شکل میں زرِمبادلہ کی وصولی اب روس کے لئے کوئی مفہوم نہیں رکھتی۔ ہم غیر دوستانہ ممالک کو قدرتی گیس کی فروخت اپنی کرنسی روبل کے ساتھ کرنے کا پروگرام بنا رہے ہیں”۔
انہوں نے کہا ہے کہ یہ تبدیلی صرف ادائیگیوں کی کرنسی کو تبدیل کرے گی۔
روس پہلے سے طے شدہ سمجھوتوں میں طے شدہ قیمت اور مقدار میں گیس کی رسد جاری رکھے گا۔
بعض ہم مسلکوں کے برعکس ہم، بحیثیت ایک قابل اعتبار ساجھے دار اور آجر کے، اپنے تجارتی اعتبار کو بہت اہمیت دیتے ہیں”۔
