سام سنگ کا جدیدفیچر سے لیس کم قیمت ٹچ اسکرین لیپ ٹاپ متعارف

کنزیومر الیکٹرانک بنانے والی جنوبی کوریا کی کمپنی نے بہترین ڈسپلے فیچراور ٹچ اسکرین کے ساتھ کم قیمت لیپ ٹاپ متعارف کرادیا ہے۔

ٹیکنالوجی ویب سائٹ گیجٹس 360 کے مطابق سام سنگ کی جانب سے اس کم قیمت گلیکسی کروم بک کو آج ہونے والی ’ برٹش ایجوکیشنل ٹریننگ اینڈ ٹیکنالوجی ‘ ایونٹ میں پیش کیا گیا ہے۔

12.4 انچ ڈسپلے کی حامل گلیکسی کروم بک 2 360 کو 4 جی بی ریم، 64 اور 128 جی بی اسٹوریج کے ساتھ پیش کیا گیا ہے۔ جسے ای ایم ایم سی اسٹوریج کی مدد سے 128 جی بی تک بڑھایا جاسکتا ہے۔سام سنگ کی اس نئی 2 ان 1 کروم بک ماڈل میں انٹیل کا سیلیرون این 4500 پروسیسر دیا گیا ہے جو کہ اسکول، کالج اور دفتر کے روزمرہ امور کو سرانجام دینے کے لیے بہترین ہے۔

وائی فائی اور ایل ٹی ای ویریئنٹ کے ساتھ اس مشین میں یو ایس بی ٹائپ سی 2 پورٹس کے ساتھ 45.5 واٹ آور بیٹری دی گئی ہے۔