زندگی کی وہ عادات جو آپ کو تیزی سے بوڑھا کرتی ہیں

ہر انسان میں اس کی شخصیت کی مناسبت سے اچھی اور بری دونوں طرح کی عادات ہوتی ہیں جو کہ سیدھا آپ کی معمولات زندگی پر اثر انداز ہوتی ہیں۔

یہ عادات آپ کے سماجی رجحان اور تعلقات اور اخلاقیات کی عکاس ہوتی ہیں۔

انسان میں موجود اچھی عادات اسے ہمیشہ بہتری اور بہتر زندگی کی طرف مائل کرتی ہیں جبکہ بری عادات انسان کو برائی کی جانب آمادہ کرتی ہیں اور نقصان بھی پہنچاتی ہیں۔

لیکن کیا آپ جانتے ہیں کہ ہر انسان میں معمولات زندگی کے حوالے سے بھی چند ایسی عادات ہوتی ہیں جو اس کی زندگی کو کم اور انسان کو تیزی سے بوڑھا بنادیتی ہیں۔

1 اسکرین کا ستعمال:
شعبہ زندگی سے وابستہ افراد کے لئے الیکٹرانک ڈیوائسز پر انحصار اور جسمانی سرگرمیوں کی کمی اہم مسائل بن چکے ہیں۔

پیشہ ورانہ مصروفیات کی وجہ سے وہ چاہ کر بھی اسکرین ٹائم کم نہیں کر سکتے ہیں۔

لیکن سوشل میڈیا پر گزرنے والے وقت میں کمی اور طویل سیریز دیکھنے سے اجتناب کر کے اسکرین سے دور رہا جا سکتا ہے کیونکہ ڈیوائسز سے خارج ہونے والی نیلی روشی عمر بڑھنے کے اثرات پیدا کرنے کی رفتار کو تیز کر دیتی ہے۔

2۔ اسکن کی کیئر نا کرنا:
اپنی جلد کو بہتر رکھنے کے لیے بیشک آپ اسکن کیئر کا علاج اختیار نہ کریں لیکن صحتمند جلد کے لئے اس کی صفائی اور نمی کا خیال رکھنا لازم ہے۔

3۔ متوازن غذا کا استعمال نا کرنا:
ماہرین تجویز کرتے ہیں کہ اگر اپنے پروفیشن یا طرز زندگی کی وجہ سے آپ زیادہ نقل و حرکت نہیں کر سکتے تو اپنے غذا میں پھلوں، جوس اور دیگر صحت مند اشیاء کا استعمال کریں تاکہ اپنی عمر میں کئی قیمتی برس شامل کر سکیں۔

4۔ دیر تک جاگنا:
رات تاخیر سے سونا اور ضرورت بھر پرسکون نیند نہ لے سکنا نہ صرف عمر بڑھنے کے اثرات ظاہر ہونے میں تیزی لاتا ہے بلکہ امراض قلب سمیت دیگر امراض کا خدشہ بھی بڑھا دیتا ہے۔